الجثة المرمية هذي هي للشهيد البطل الزعيم الهادي شاكر

الجثة المرمية هذي هي للشهيد البطل الزعيم الهادي شاكر الله يرحمو ، للي ميعرفش علاش تقتل الهادي شاكر و كيفاش و شكون قتلو نحاول نقدم معلومات برشة ميعرفوهاش ، اولا المرحوم الهادي شاكر هو زعيم شجاع و محل تقدير كل الحزب كي تشدوا الزعماء و تنفوا ترأس مؤتمر الحزب في نهج ڨرمطو بتونس و كان مؤتمر سري قدم فيه التعليمات للدساترة في الجهات بش يبدوا في الجهاد ، بعدها تشد بقى مدة فالحبس ثم بقى في الاقامة الجبرية في نابل بش يبعدوه عالعاصمة و مسقط راسو صفاقس ، لكن الزعيم الهادي شاكر بقى ينشط بصفة سرية و كان مشرف على تزويد المقاومين بالاسلحة لي يشري فيها خلسة و تجي من ليبيا ، فرنسا قررت اغتيالو لكن بحكم بقت في حرج قدام العالم بعد ما قتلت الشهيد فرحات حشاد لقت الحل في اولاد أحمد بالقروي شكون احمد بالقروي هذا !؟ واحد ثري صفاقسي عميل للمستعمر عمالة كبرى وصل حد طلب من فرنسا تسليح رجالو بش يقضي عالمقاومين و كي مشى لفرنسا بش حضر عيدها الوطني جويلية عام 1953 قام الوطنيين بقتله ، اولادو بش ينتقمو تآمروا مع فرنسا و قرروا يغتالو الشهيد الهادي شاكر مولتهم فرنسا بالاسلحة اللازمة و ليلة 13 سبتمبر 1953 مشولو لدارو في نابل و دقوا الباب محبش يحللهم لانو عرف انهم مستهدفينو فقامو بتفجير الباب بقنبلة و دخلولو هزوه بدبش النوم قدام مرتو و صغارو و بعدو على المدينة و اعدموه رحمه الله ، لم يكفهم قتله و هنا ركزوا مليح اش عملوا كي جوا هازينو لصفاقس بش يدفنوه اعترض اولاد بالقروي المركبة التي تقله و للأسف الشديد قاموا برش جثته بالويسكي و دنسوا جثمانهض الطاهر ، الاوغاد هذم و الحمد لله كي استقلت تونس تم اعدامهم الهادي شاكر شهيد عزيز لم يهادن كغيره و مباعش الطرح لذلك اغتالوه بهاته الطريقة البشعة لذلك نشرت عليه هاته الليلة المباركة كي يترحم عليه ابناء بلده الذي استشهد من اجلهم الله يرحمو

الله يرحم الشهداء

الله يرحم الشهداء